المنتدى العراقي
تعال ادخل وسجل مو تنسى

اهلا وسهلا بك في المنتدى العراقي

المنتدى العراقي


 
جات العراقالرئيسيةبحـثالتسجيلدخول

شاطر | 
 

 مصطلــح تحشيشــي جديــد :::/:::/:::/× الدشـــداشــه ×

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
البغدادية
المدير
المدير
avatar

انثى
عدد الرسائل : 11
العمر : 25
وين هسه كاعد : بلبيت
شنو احلى شي عندك : النت
اشونك اليوم : نص ونص
السٌّمعَة : 1
نقاط : 31761
تاريخ التسجيل : 12/02/2009

مُساهمةموضوع: مصطلــح تحشيشــي جديــد :::/:::/:::/× الدشـــداشــه ×   الجمعة مارس 06, 2009 3:59 pm

هلو شباب وبنات






جبتـ الكم موضوع تحشيشي جديد
وهوة عبارة عن مصطلح جديد في الاسواق

((( الدشداشـــــــــــة )))








طبعا الدشداشه اهنا مو الي نلبسهه

لا الها غير معنه بلغه التحشيش هع







ظــهور مصطلح جديد يدعى دشداشة
( بفتح الكاف و الضمة المشددة على النون )
يمكن هاي الحركات بغير كلمة انتو عود شوفوها المهم و ما يزال يستعمل على نطاق ضيـــــق لوصف شخص يحاول ان يفيك و يصير حشاش او حديقة ( مو شغلته هسة كوة؟)

و هذا تعريف الدشداشة :-




الدشداشة :-

شخص هاديء عادة ( طابك على صفحة ديبرد الراديتر يعني ) و ما عنده خفة دم ( يعني وغف و ينرادله 1023 تنكر سفن ) بس من يوكف وية حشاشة يحاول يفيك براسهم و يحاول ان يبين انه هوة هم حشاش عن طريق تحشيشات قديمة لاطشها الأخ منا و منا ( و بس يدعبلهن يخلص الشحن مالته ف انته اربطله اقرب شاحنة و لزكة بالدكمة مال كهرباء بشريط لاصق) و يظل ساكت وراها يحاول يحفظ تحشيشات بينما تعرفون انه الحشاش هوة يرتجل و كل لحظة عندة تحشيشة شكل لأن فنان مو بيده( اعتقد برجله بس ما متأكد هسة اسأللكم)........... .يابة طلعت بخشمه ^_^






شكله العام :-



عادة الدشداشة يكون كلش مرتب شعره يمشطه بطريقة كلاسيكية (فركة من الربع ام الخط ) و ما يحط جل ابد (يستحرم) و دائما يلبس مناظر و بنطرون قماش( متعارك وية الجينز علمود بنية) و يدكم الدكم كلها مال قميص
( و اذا تيشرت ما يدكمه لأن ما بي دكم اي والله و داعتي واحتمال هوه يخيط اله دكم ) و الحذاء مالته كلش يتلامع( يومية يزين عليه بدال المراية ) ويفرج سنونه 17 مرة باليوم بمعجون سانينو (و اذا معوز بال آركو) و اخيرا يمتاز الدشداشة بصفنتة (مو الك يمعود) يحاول بيها يتأمل شغلات ما اعرفها لأنه اني قموجي ويمكن شطحت زايد المهم و من مواصفات شكله انه شواربه مخربطة (جنها لمّة مال حدايق) و أحيانا شوارب ليس(جالطها للنخاع ) و هوة ما يدخن ابد ابد لان يخاف اذا بابا عرف يشدة بدال الجوزة ام ال 10 و يسمط عشيرته . و اذا بنية كفرت و حجت وياه يجاوبها ب ءءءءءء اااااااااا هاااااااااااااااا؟ممممممممممممم ما اعرف و يرتبك و يحمر و يزوع عليها.عاد هية تنزع ال 38 و على صماخه .



حياته العامة:-

يبدأ الدشاشة يومة انه ال ماما مالته تكعده بال 8 السبح :يلله حبيبي تعال اريك زبد و مربة (خوما مثل حظي وصيت امي تكعدني بال 8 تالي اني اللي بال 11 كعدتها ) و وراها يبدأ الدشداشة يومه بسكي الطرمة و قراية الجرايد و حفظ النكات القديمة( من جان البعير تاتا ) و مرات يلم جهال المنطقة و يكعد يحجيلهم نكات .و يرجع يغسل ايديناتة بالصابووون و الزاهي حتى يتغدة (شاش مال نظافة حيييل) و العصر يشرب جاي





اللي يتفرجه عالستلايت:-

كاليميرو الكابتن ماجد افتح يا سمسم المناهل ليالي الحلمية و حفلات سيد مكاوي(مكاوي لو نورتن؟ هع هع)




الممثلات اللي يسطروه بجمالهن:- أمل طه سهام السبتي أمينة رزق عائشة الكيلاني انعام سالوفة (اخت انعام سالوسه)






تعليقاته:-

من واحد ضعيف يفوت من يمة يفيك و يذب اقوة تحشيشة عنده ههههههههه باعو هذا جنة عودة ههههههه و من واحد يلبس الوان غريبة يكله هاي شنو طالع جنك شجرة ما اعرف شلونها ههههههههههههههههههههههههه و لا يستعمل الدشاشة ضحكات ال (هع هع هع هع هع هع) ولا ال(خخخخخخخخخخخخخخخخخ) لأنها لا تتناسب مع قدراته التحشيشية (الفسكانة للنخاع) و من حشاش يذب حجاية فهو يبدي يضحك عليها ورة ما الباقين يخلصون ضحك ( يضحك يوم الخميس على نكتة انحجت السبت لأن الثلاثاء يلله افتهمها)






أبرز حجاياته:-

مرحبا, أذا ممكن, بدون زحمة ,ارجوك ,نعم, من فضلك, ياريت ,ياترى, آسف للمقاطعة, شكرا جزيلا





و الدشداشة عادة سجاج اكشر(ديرو بالكم من عنده يحرك كيرفات ) و من السهل النصب عليه ( شما تدعبلون عليه ياخذ) ولا يفتح موضوع ابد( عالمكشرات) بل يحاول اقحام نفسه بأي موضوع حتة لو بالكوة و مو لوكي ولا يتبجبج

...............
..........................

اتمنة انو افتهمتو المصطلح الجديد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
muhammed
المدير
المدير
avatar

ذكر
عدد الرسائل : 579
العمر : 25
وين هسه كاعد : العراق الحبيب
شنو احلى شي عندك : الانترنت
اشونك اليوم : روعه بس بالدوام مو زين
مزاجك اليوم :
السٌّمعَة : 0
نقاط : 33156
تاريخ التسجيل : 08/10/2008

مُساهمةموضوع: رد: مصطلــح تحشيشــي جديــد :::/:::/:::/× الدشـــداشــه ×   السبت مارس 07, 2009 4:41 am

ههههههههههه

دشداشه حلوه

مشكورررررررر

_________________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://iraqboy.yoo7.com
 
مصطلــح تحشيشــي جديــد :::/:::/:::/× الدشـــداشــه ×
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
المنتدى العراقي :: .: ( الترفيه ) :. :: تحشيش-
انتقل الى: